呢件事其實困擾左我好耐, 有少少長篇~
但純粹係 share 我 ge 白痴經歷俾大家,
希望各位 sis 留意下~~

事緣之前我收到一個電話,
話邀請我做神秘顧客,去 check 下 spa collection 呢間公司 ge 服務,
相信有好多 sis 都已經知道呢個係騙局!!
但係, 我就偏偏好白痴…. 信左佢!!
最後俾佢昆左 $ 6000!!
返到 home 之後上網一 search! 就知道自己中左招…!!
但錢俾左… 冇辦法!  之後就決心當自己跌左o個 $6000!!!

後來,我同朋友 share 呢件事,
佢同我講, 既然錢都俾左!! 咪去做 law!! 意志堅定 d 就唔會俾佢 sell 到!!
於是, 我就照上去做, 我上去之前一張信用卡都冇帶~!  eps 轉淨 $ 100 蚊o係戶口!!
同埋只係帶左 $ 50 cash!  所以即使佢 sell 咩都好! 我真係唔會有 $$ 俾!
所以最後我係成功離去 ge! (當然個 sales 黑哂面 la, 但佢知我有備而黎, 佢都奈我唔何!)

而 treatment 方面,因為我驚做面做得唔好! 所以揀左做 body! 起碼唔好都有衫可以遮!
結果,佢幫我「分析」完之後… 佢話要通淋巴~ 因為我塞得好嚴重!!
之後係由另一個美容 c 幫我做~ 佢係台灣人~ 基本上佢講 d 廣東話好難聽,
同埋佢講得太快, 好多都聽唔切!! 突然佢按到上胸同腋下附近,就話我胸塞得超嚴重!!
要用「經絡xx」(聽唔到)通番佢!!  因為佢話我咁樣好易生乳癌!!!!!
又話我會有好多婦科病…..  講到我好似就死咁!!!
我問左話唔駛加錢… 咁咪試下 ….   之後佢就拎左一個佢話係皇牌 ge 「按摩器」(有一粒粒)出黎,
搽左 d cream o係上身同手臂位置就係咁推!!!  痛到爆!!!!!!!!!!
佢話係正常!! 因為塞得好嚴重….!!
我諗我忍左差唔多 30 mins…!!  真係好辛苦…!!
之後做埋個倒模就完左!!

做完之後,我唔覺得有咩特別唔同,
但去換衫o個陣 … 我見到塊鏡…. 呆左…
上胸位瘀哂  >.<  我問番個美容 c , 佢話係咁, 因為我太塞, 唔太力 d 唔通…

經過今次, 就算我仲未用完個 quota , 我都唔會再去…
我都知我自己太蠢 … 所以希望各位 sis 留意!~  小心為妙!