HPC IT 手機維修課程正黑店
什麽理論與實戰並重手機維修課程、結合華強北及先達技術、一人一機實習、就業轉介推薦到手機外判商就業, 有專業認可資格, 通通都係得個講字…… 跟本就大話連編, 同起初講座所講嘅嘢, 完全係兩回事囉!
第一階嗰位導師(Sam Ho)講故仲多過授課, 教埋啲咩變電站、大廈電錶房、電解電容…… 我真係諗唔透以上跟手機有何直接關係, 再加上當時上堂唔係同你講佢幾有錢, 多到要交比會計師幫佢計, 就係同你講 NASA 、帶你太空漫游。叫佢教他錶點用啦, 承認咗你之後, 轉頭又唔知耍咗你去邊。整個第一階段十幾堂, 叫做同手機有直接關係, 實際一堂講得晒。完成此階後帶學員到華強北實習考察, 陪佢行街 shopping 似啲囉, 佢同大家約好時間叫學員唔好遲到, 佢自己夠膽死遲到半個鐘。帶人去買工具過水濕腳唔怪你, 有同學事後查証過價錢同實際差距好很大出入囉! 而且有幾件工具係朱頭骨答落去, 重要件件都成十元人仔, 根本就用唔到係維修手機上嘅垃圾。
第二階諗住會好啲啦, 點知結果都係一樣。千其唔好比導師(馬Sir)個樣欺騙到, 佢絕對係個機會主意者, 同學跟導師在堂上閒話家常乃係人之常情。但係點都估唔到佢講閒話仲投入過授課, 遇著某些話題, 更會主動上網查找、按圖索驥, 打爛沙盤問到篤, 目的務求打發時間、拖得就拖。 而且教授方法過時好多方法唔係過時就係完全行唔通, 學嚟根本用唔著。
第三階仲荒謬, 又話係實戰點知機就只得部iphone4同s2, 要我哋自己帶機返去整, 最重要係馬生無一部可以整得好, 返而整死幾個學生手機就有, 而且所講嘅實戰結果都只係抄白板。
而另位導師(Kin Sir), 話就話教 flash rom, 實情係貼錢返去上網浪費時間, 一堂幾耐就要你搵足咁耐, 好聽啲就叫做學員自行上網搵 rom 會印象深刻啲哩點我唔否定, 但有必要用我交咗嘅學費時間在堂上上網搵咩, 叫學員自己返屋企搵唔得咩! 咁我洗咩俾二萬幾元嚟學呀, 上 youtube 就得啦, 仲有齊晒三個階段嘅教學。仲有教”刷機”結果變咗”打機” 個所謂導師公然在課堂上用平板挑機打街霸, 教你點 set 啲制, 唔洗擢都出到超必, 問你死未!! you win perfect~
全間學校根本無一個係手機師傅, Sam Ho就神棍一名大話同阮校長一樣咁多, 馬生只係電工一名(電工就教電話), Kin Sir只係幫人裝下Win拆下iphone4同S2就叫手機維修師傅, 試下俾部(iPhone 6+或S6)相信佢都未必拆得掂, 重有個叫Stanley 我哋班係從未上過佢課, 原來打雜都可以係導師, 佢只係上大陸入貨做跑腿, 業餘手機維修師傅(兼職)都可以叫做係專業, 完全唔合邏輯。
阮建森校長一個毫無誠信又滿口謊言的人, 當日係講座上話會全力協助確保學識, 報咗名之後就改口話盡量令你學識, 交晒所有學費之後就話學得好唔好係好主觀, 完全係不負任表現, 我班畢業已經一年多但係從未作出跟進, 就業轉介都只係去先達走個轉, 俾人當白痴仔咁舞, 三樓班人直頭叫我哋唔好行過去, 可想言之阮校長名聲有幾好。
總括個課程根本係無料扮四條夾硬拉長, 唔係邊有借口收人二萬幾蚊呀! 平心而論哩個垃圾昆水課程一仟都比多佢囉!

p.s 我都受害人之一, 唔希望見到再有人被矇騙, 有心人麻煩請廣傳出去, 謝謝!!!