FIGHT FACTORY GYM

我經過旺角,有個sales叫我like Facebook page,叫我幫下手。咁我停低左,有另一個sales就走過尼話帶我去佢地間野參觀,同我講過去攞埋2張戲飛先,咁我就跟左佢地去。佢地帶完我參觀一大輪,又話幫我做個咩test之後帶我去一間房入面傾。個陣分析完話我有好多脂肪,係咁sell佢地個泰拳班,跟住問我有無學生證同信用卡,我又傻傻地比佢知我有信用卡,之後就係咁話比半年你試下。我覺得好貴,我承擔唔起,我再三強調我要考慮,但佢地好似無比我考慮既空間,問我仲有乜好考慮,後期比佢地講到好攰,托哂頭都仲要sell。跟住我就話好,諗住膚衍佢,最後不情願地簽左。我好後悔,我同屋企人講,佢地叫我去cancel份約。咁我就去左要求退款。跟住佢拖左2個星期到今時今日同我講話退唔到款,email 同我講話啲sales無逼我,仲有我係好情願咁簽,完全無諗過我感受!只係一味為自己辯護,我相信逼唔一定係用武力,言語上已經足以逼到我。仲有,張戲飛係我簽左約先比我,有個sales仲話‘今次真係比戲飛啦’something like that, 難道佢話攞張戲飛先轉頭就係咁sell我就叫無問題,咁樣唔係呃緊我咩?依間黑店令我好無助好憤怒,希望大家share 出去,唔好再比街頭sales截停