於HOME 21買傢私 無送貨又唔退款

本人於HOME 21 購買了一張梳化, 原定11/1 中午送貨. 本人於送貨前一天即10/1亦致電HOME21確定送貨日期時間.

 

到11/1 當天, HOME 21 話 : 一係你就等到 凌晨1點 送貨, 一係就唔送.

經過多番對質後, 送貨師傅畀咗晚上8點的時間, 但由於8點無人起屋企, 所以本人拒絕. 送貨師傅就叫我唔好要張梳化, 叫我打返去office 退款.

 

隨即本人就致電HOME 21 元朗店說明事件及查詢退款事宜. 一位店員, 陳禮善接聽, 我咩都未講, 佢已經知道送貨安排出問題.

 

陳店員: 若你當天不收貨, 可以退款. 你是用信用卡付款的, 你下星期一打上客戶服務部通知職員, 佢哋會幫你處理退款, 你預7天後才收到退款.

我: 咁係咪確認我可以退款?

 

陳店員: 係!

 

我: 客戶服務部會否拒絕退款?

 

陳店員: 唔會, 你畀單資料佢就得. 放心我電話有錄音!

 

到星期一, 我打上CS, 有位小姐話幫我mark 低, 稍後會有另一位同事聯絡你. 當然, 一直都無人聯絡我!

 

星期二, 我再打去CS, 有位男士接聽電話, 並表示自己已經了解過事件, 更聲稱無職員確認過我可以退款. 佢仲話問過所有同事, 得悉嘅故事板本同我嘅完全唔一樣. 之後, 佢仲賴皮話送貨當日打過好多次畀我, 但無人聽先送唔到貨. 佢話可以send 返晒啲 whatsapp 證據我睇!

(事實上, 我留咗2個電話, 2個人都無miss calls, 全日留起屋企等. 而所有對話都係起電話上講, 何來有whatsapp 證據? )

 

另外, 購買梳化當日, 我多番與職員確認送貨日為11/1, 但他們給我的單據卻寫著送貨日為23/1, 於是我向店員查詢, 店員回覆說只係落單職員一時打錯咗, 跟住該店員就用筆刪掉單上的收貨日期並再手寫收貨日期為11/1.

 

事後, 我於各大論壇見到有不少同我有類似經歷嘅苦主:

https://www.baby-kingdom.com/forum.php?mod=viewthread&tid=18971268&extra=&page=1

 

https://www.baby-kingdom.com/forum.php?mod=viewthread&tid=14488800&extra=&page=1