事緣係7月中,經過粉嶺聯和墟奇x,見到條飛碟款手鍊係$25000,諗住近近地住果附近,咪買條開心下。好啦,其實個sales冇專登同我講手工費 ($3500),基本上係到開單至知個手工費係呢個數。跟住後來去過其他細鋪頭睇返條一模一樣嘅手鍊,人地收$1000都唔駛。後來愈諗愈激氣,真係唔對 路,於是就打電話搵返個sales算賬。最後佢只可以減返$1000。當然啦,個sales係咪都話已經盡了人事,已經減到最盡,又話自己都只係打工,我 要寫衰間鋪頭佢都無法控制喎。我話唔緊要,我一定會好好宣揚貴公司銷售手法。
經過呢次教訓,特別係想買閃閃嘅新手真係要小心!真心唔想其他jm買到一肚氣。
間鋪仲話做街坊生意,做生意做到咁狼死,真心唔推薦呢間鋪!買之前真係要問多幾間價格,留意手工費,回收,換貨,信用咭handling charge等等。

想知鋪頭名可以直接PM詢問。自己瀨過野,都唔想他人同樣中招。