我本身幫親開的獸醫診所因裝修關係,要暫時轉介到其他診所,我吔選擇咗 “銅鑼灣動物醫院”,因我的狗狗有腎衰竭,要長期打皮下水,初頭都可以,最近我的狗狗身體好唔舒服,即刻帶佢去”銅鑼灣動物醫院”,我地覺得佢有脫水問題,叫其中一位助護幫狗狗先打皮下水,舒緩及令狗狗舒服d先,助謢ok,因本身果日都要打皮下水同埋佢果樣都好唔舒服,不過young的女醫生堅持要睇左先,佢係老狗,長期有病,之前有個女仔話俾我地睇先,女醫生堅持要跟次序,唔俾我地睇先。之後到我地睇,女醫生話佢咁多病,叫我地人道毀滅,我地好愛狗狗,決定繼續keep佢,要吊鹽水,因狗狗已18歲,行唔到,同埋其中一隻eye有傷,要不停滴唔同的eye drops,需要intense take care,我地要求晚上拿番屋企照顧,早上繼續吊鹽水,醫生唔肯,話我地唔跟佢方法做,我地同佢講你地晚上無人,跟本有事無人知,同埋我地睇開的醫生,都明白我地的意願,之前都發生過,佢都俾我地咁做。最後女醫生決定唔醫佢,連皮下水都唔幫佢打,簡直係見死不救,我同佢理論,話本身唔睇醫生,都約左打皮下水,你都要幫狗狗打,之後助謢要我地簽免責同意書,先肯同狗狗打。為左救狗狗,我地照做。

d間診所簡直不知所謂,做醫生連一d專業操手都無,我心愛的狗狗走了,我好想同所有愛護動物的主人分享,我當時真係好難受…..