買左4對門,落單講明我地比既係門既呎吋,唔係門框既呎吋,覆單見個職員寫“外計”再確認多次係門既呎吋,唔係門框既呎吋,個職員話係啊係咁寫,但有日行過問番個門呎吋去買吸嘴果陣,發現佢地當係門框既呎吋去做,話跟單寫“外計”係指門框,如果要做過,就要再加錢,最後我地加錢做過2對門。以下係呢間黑店既問題:

1. 我地係比佢個職員呃(覆單果陣話比門呎吋係寫“外計”)而簽左呢張單,佢張單有句野保障佢自己,只跟張單寫咩,唔理你口頭講過咩,所以係明陰你,佢呃完你簽,然後用張單同你講佢冇錯,要你再比多d錢

2. 個落單職員從來冇出現過解釋件事,個經理話佢有白事,仲話就算搵佢出黎都冇意思,佢都未必記得當日係咪咁

3. 個經理只係話佢跟單做冇問題,反而話我地,落單溝通有問題,就算覆左單,都應該要比師父睇,因為我地行外人唔識野,仲賴埋師父不負責任,比左呎吋就算,仲話行規係比門框呎吋買,仲話呢張單係合約,簽左就係跟單,佢係有權唔做過。

一句道歉都冇都算,仲將個錯推番係我地同師父到,態度好惡劣,仲唔識尊重人,我地講緊野既時候插嘴係咁講。我地係用廣東話清清楚楚咁落單,個職員都係咁話知道,點樣係溝通既問題?同客人講行規,打開門做生意客人講到咁清楚比既係門呎吋,冇講明就可以話正常係點姐,都講到明佢都可以賴。我地覆單見到d詞唔明都有問,有講清楚check清楚先簽,點解仲要比師父睇?我地唯一既錯就只係入左呢間黑店信左個職員既大話

4. 送門話21-24日,結果遲左幾日,做過既門講好左邊日有,結果都係遲左幾日,前前後後用左個幾月既時間先收到所有門,裝修因為咁延誤左,有2對門呎吋唔岩,牆都要修過

買門既請注意呢間黑店,唔好比人呃