事源尋日行去雅蘭酒店諗住坐車返屋企,點知經過California fitness呢間野,有個叫”ravi wong”既男仔(該店職員)就話見到我有d”寒背”又話有7日免費健身問我玩唔玩,咁通常呢d都係會講講下叫你俾錢入會玩,咁我梗係話唔駛啦,點知都係俾佢拉左入去坐-___-一開始叫我放低d野先,起初就問你覺得健康重唔重要,之後講講下就入正題喇,就話佢地今日10周年紀念,入會唔駛錢,又話幾百蚊玩一個月,一個月玩番8次都係30幾蚊次姐過埋今晚你一個月就要$6xx架喇,但我話都係唔想玩住,之後佢又話你覺得健康重要d定係錢重要d?又話今日你中左六合彩聽日你要死咁你中唔中,講左一陣之後我同佢講無錢,佢就話你有無eps果d呀,咁我醒起果張野得$50,咪答佢我得50蚊jar喎,佢就叫我去撫俾佢睇,行緊果時仲話我真係唔夠錢既話幫你俾住第一個月錢先,點知咁o岩我eps果度多左700幾蚊,咁扮窮又唔掂喇,返到去果間野果時,張eps又俾佢拎左….想走又唔得,咁我咪係咁帶佢遊花園囉,咩藉口都出晒咁制都仲問我”你想唔想健康”,之後佢就打眼色叫左個叫”chris ng”既女職員埋黎,兩個一齊遊說我入會,我照舊帶佢遊花園,之後佢又問你知唔知我地個boss係邊個,我答唔知,佢就打開本野指住成龍,過多陣我仲係唔肯就範,佢就我叫上去睇睇佢地d設施,我話唔駛,佢就拎左我個袋同psp上去-____-,咁我咪上去是但順下佢意囉….之後返落去我都係話唔想玩了,但奈何id card同eps果d都俾佢渣住,走唔到,由10點幾捱到去12點就範左….點知而家佢叫我碌499先,咁我問佢點解係499,佢就話入會今日係唔駛錢,但要俾會員卡錢同手續費,點知我當時又好白痴咁碌左俾佢,攪好晒d野之後走果時仲話咁夜返屋企小心d(我心諗俾你地拉左入去就真係唔小心了)咁我而家一次都未正式玩過佢地d野(佢話8月任我去玩,9,10,11月就星期1,3,5可以去玩),但我真係愈諗愈唔憤氣囉,而家唔係平唔平既問題,係我好唔自願咁被迫”join左”(雖然有人話你死都唔join佢吹你唔漲,我都知自己傻左)而家好後悔當時點解咁無”吉屎”同佢講再唔俾番d野我打999….

最後我都知我自己係蠢左,但我想問消費者委員會幫唔幫到我架,我真係唔想去玩,雖然$1100蚊對你地可能唔算多,但我真係唔想俾-__-