話說某日到上述舖仔買高清解碼器,問佢ACL有冇貨,佢話冇,同埋話ACL冇顯示屏。跟住,介紹另一隻,話有顯示屏,點知返到屋企試,個顯示屏壞,打去問佢,佢話冇貨,要我自己去代理換,話起觀塘。
睇返保用証,代理都唔起觀塘,係新葡崗,打去又冇人聽,諗住又未夠七日,昨日買,今日有問題要換都唔過份掛。點知落到舖,個冇帶眼鏡店員話冇得換,話有乜事都要自己搞。跟住同佢理論一輪,先發爛渣話換,但唔比試機,有問題冇得換,最後叫佢退返錢,仲要大枝野咁講,’以後唔好黎買野‘,我心諗貼錢比我都唔會再黎,態度勁差,又唔比試,有問題又唔換得,賣埋啲次貨。