喺呢間鋪買抽油煙機同冷氣,加幾樣電器,送貨安排混亂,約好咗送貨日期,等咗好耐,先打嚟話拎錯冷氣機,要第二日再送,咁已經嘥咗一日時間。到咗第二日送到上嚟,又話拎錯咗部抽油煙機,又要返轉頭再拎,好在檢查清楚,如果唔係分分鐘就裝錯機。奉勸大家喺呢間鋪買嘢前,即使寫好晒單,可以上網望一望價錢先決定付款,只要一查,就知道呢間鋪嘅價同出面嘅分別。我就係趕時間,又信個職員先落單,點知佢冷氣機比出面賣貴千幾蚊,食水極深。同埋呢間鋪同工聯會係冇關係,冇做好功課就喺度買係一時唔小心,其他人真係唔好搞錯。