案例: 032
日期: 2016年6月26日晚上10時許
地區: 葵芳葵涌廣場2樓
黑店類型: 格仔店
黑店名稱: 童話部屋(葵芳葵涌廣場2樓)
服務/產品: 黑服務
受害人: Mabel & Mini
金額: 0
詳情: 警已報。因此聲大夾惡,都唔知佢想點!我出門口先拍片㗎,佢仲想非禮我朋友。

事源我同朋友收工去行街,都諗住快行,行完就走。我哋去咗呢間店,開初我哋行入去,我見女店員斜啤望住出面,咁我咪回頭又望下出面囉,我見門口又冇人。
我咪問個女店員「你係咪望緊我吖?」
女店員答「你入嚟我舖,我望你好正常吖,下嘛!」
我答「又係喎(再加微笑)」
跟住無理繼續睇嘢,直到我見到有盒粉底,我仲話唔洗搵代購買,下次用晒可以係呢度買。跟住我朋友見到有支台灣胸膏,就話「E,呢度有得買,等我叫frd唔洗幫我買喇。」

當時朋友想拎起電話影支膏,但一拎起時女店員就大嗌「呢度唔俾影相吖(佢和一名片中男店員再立馬沖出嚟,女的係我朋友後面,男的在我面前)」我話咁咪唔好影囉,朋友立即收起電話冇影,我朋友就話「嘩,唔洗咁惡嘅,乜宜家啲服務咁㗎」,跟住個男就起勢撞埋我度仲起勢鬧我,問我「你想做乜x嘢」,我問返佢「我可以點呢?間舖係你嘅,我只係睇吓有冇嘢啱買啫」男店員就不停推撞我哋出舖,仲郁手郁腳,仲竟然話我哋似偷嘢,又話我哋係同行,又話我哋買唔起bibala。。。。講嘢冇重點,跟著我就開始拍片喇!

圖片是店舖和店員