最初有專人上門報價, 講好話明碼實價, 點知到搬屋當日, 話要推一段路要加錢, 又話D傢俬太大件上唔到樓梯, 搬屋過程中, 竟然用粗言穢語問候老人家, 一味靠惡!
我家有老有嫩, 成屋野係佢架車到, 只好忍!我都知我地村屋係辛苦, 已經叫我媽比1000蚊TIPS佢地, 點知佢地仲賴死唔走, 話1000唔夠, 之後我媽話加到1500, 都仲唔走, 話要2000! 當日由朝早9點攪到晚上10點幾, 折磨左成日, 我媽都算, 比2000打發佢走.

翌日我打比佢老闆投訴佢員工濫收小費, 點知佢老闆話正常會收10-15%小費, 話如果覺得收得多左, 佢退返500比我岩岩搬完, 忙到死又唔得閒再糾纏, 事情暫且告一段落!

到琴日得閒, 咁岩上facebook見到佢地專頁, 之後係佢facebook專頁投訴, 竟然換來”霸氣回應”~~~基本上, 事件已經唔係要分別對與錯嘅問題, 而係連處理客人投訴都可以咁”霸氣”, 點叫人介紹朋友搵哩間公司搬屋!!比錢買難受~~~~~facebook個post已經被霸氣del埋,唔怪得之只有讚,無投訴!  所有投訴都會del! 仲洗自己版, 現剩下他們一面之詞。大家千祈唔好搵東x搬運, 真係貼錢買難受, 上樑不正下樑歪

baedc