公司搬倉,揾呢間「約瑟搬屋公司」,好朋友介紹,仲係剛用來搬屋;我講明包清場拆角鐵架及箱頭沉重,whatsapp報價一路都以為信得過。

點知搬運工人,其中一個較多口,一路粗言穢語不在講,天陰陰,所有箱頭都冇包膠膜直運上車。到後來拆鐵架時,話其中有鏍絲變形,無法拆掉,三個倉拆得兩個。無奈之下向報價的人(應該是老細)講,佢話冇辦法,儘哂力!再同佢講減少少齊頭(其實只是減二百),佢又推搪。結果係清場冇清到,錢要收足。害到同事要花幾多錢同時間先可以清到個舊倉。

乜唔係講明清場就要清哂嘅咩!同親搬屋工人交手,就好似對住黑社會咁!