上個月我個仔在YAHOO拍賣網BID左一部電腦,砌機黎,對方寫明全部零件係全新跟盒,有1-3年代理保養。
對方開了好幾個分身托價,成交價錢$6XXX,只比高登/黄金一般市價便宜3百元左右,諗住個價都係合理,純綷諗住都係一般高登/黄金做法,全部零件在同一間舖買可平$200左右
之後我地去了他在新高登的舖頭交收,他只給了3件最貴的零件我扡CHECK,當時那3件的確都係全新跟盒。他一再強調所有零件係全新有保養,其餘的零件在倉内等我地落完$3000訂金就幫我地砌埋。
我個仔曾詢問佢可否不替組裝,等我個仔自己回家砌就好,他拒絶,指因要提供14天保證用到,我地砌的話有咩事佢不負責,只可以整部砌好拿走。
接著我地落了$3000訂金,過了2個小時就去取機,對方只讓我地在個MON上CHECK機知道個零件的型號,我要求CHECK機內零件,但遭拒絕。
對方貼上了兩張貼紙作封條,貼紙爛左就代表你搞過部機,佢概不負責,無奈給了$3000訂金在不退還的情況下只好給餘款。
我個仔一回家後就馬上CHECK過部機,其中三件零件(火牛、硬碟、光碟機)皆為二手。
1.對方訛稱這三件零件係批發而來,沒有包裝;並聲稱日後火牛需要維修時為方便我地請上佢那裏換,因上代理換一隻要等個多月。
火牛是次一級的型號,二手所取替,只是一隻兩年前已喪失原裝代理保養的火牛
光碟機是一隻一年前生產的,而代理只有一年保養的,更並無保養必須的保養証。
這與拍賣時及付訂金時所描述的狀態(全新有代理保養)截然不同!
2.對方係有計謀以二手零件取替全新零件,對方位於新高登的舖頭是一間買賣二手電腦的店舖,再翻查其所有拍賣記錄曾有二手充全新的行為。
在單據上有問題的零件不寫上型號,火牛只寫上品牌名;並只寫上(十四天保用)及貼上貼紙不讓客人私下CHECK機,一旦14日過後才CHECK機就一早已經神仙過海,有問題的貨點CHECK都係有問題,根本只係藉口而已。
貼紙爛左
不負責;
14日過後
不負責!
事件中,我地實際損失的金額只係大約數百元,但冇人會喜歡被人欺騙的感覺!
我地曾向警方求助,但警方以有人試過在百老匯買新相機但有拍攝記錄的類似情況推卻我們的求助。
新高登整個場的舖頭都係買賣二手電腦零件的,很難想像他們是如何生存下來!
以後都唔敢過新高登買野
賣家態度十分惡劣,交涉時只向度爆粗,全家都罵埋!
仲話我地要求賠償就係攞著數,搞到好似我地乞求佢咁,
嫌錢賺得少就
講到大條道理可以二手充新
簡直視消費者為狗
已打算告上法庭
賣家:
