上個月趁假期同朋友上廣州玩,去到芳村客運站前面有好多司機埋黎兜生意,問我地要唔要車。我同朋友最後揀左一個大約4X既中年男人,原因係佢對我地所提及既景點顯得好熟悉,佢同我地講包車半日人民幣400

一路上司機開車態度瘋狂,仲試過沖紅燈,好似好趕時間! 甘都算了,畢竟我地唔係地頭蟲,無當面話佢。但係直到旅程接近完結,問題終於出現了! 當我地差唔多到達位於荔灣區既酒店時,司機突然把車停埋一邊,然後同我地講,一位$400,你地2個一共$800!

我地當場問佢,當初講好$400,依家邊有可能變成計人頭?? 我地同佢嘈左一陣,司機態度180度轉變,不斷爆粗,然後將車開離原本既方向。
我同朋友對望一眼,心知不妙,都唔知佢想車我地去邊!? 當車行到燈位斑馬線既時候,突然見到隔離有部公安車,我就鼓起勇氣將錢放係司機位邊,然後話:依度$400,你一係收錢,一係我地落車報公安!
話未說完,我同朋友已經開門落車,(好在門鎖係手動開關)。而果個司機也都開車走了,沒有再掉頭追黎(可能怕左隔離架警車)

出黎玩搞到成肚氣!以後番大陸真係要小心,唔好信街邊d司機,以免上錯賊車!事後從朋友口中得知,果d所謂既面包車分分鐘套假車牌,出事後無得追究。

http://www.uwants.com/viewthread.php?tid=15747165