今日(2011年5月21日)下午3點幾,同朋友去海港城間PORxCHE DExIGN,入到去睇下D太陽眼鏡,我地試緊既時候個男SALES就拎一副俾我朋友試,我朋友戴上之後唔o岩就除返出黎,呢個時候右邊塊鏡片就跌左落 地,因為太突然,我都忍唔住叫左出黎,然後個男SALES就話呢個款有兩對鏡片,可以自己更換嫁,之後就執返塊鏡片,我地就俾返副眼鏡俾佢.
我地睇緊其他野既時候,個SALES又拎返副眼鏡黎,同埋兩片鏡片,講兩片有乜野分別,我地無乜興趣,然後佢就話:”頭先掉了落地塊鏡片崩左少少,所以麻煩你地或者俾個9折你地買左佢?”
我地兩個呆左囉,無事嘛,咁大間公司咁樣屈人?呢個時候有位女服務員(FENNY),或者只係當時戴住”FENNY”呢個名牌既人同我地講:”係呀,因為塊鏡片係響你地手既時候跌出黎,咁樣我地好難同公司交待,頭先我地都同左寫字樓o個邊講,佢地話你地要買左佢喎.”
我地話:”無可能囉,我地唔接受,塊鏡片本身自己鬆跌出黎你叫我地買左佢,無可能”
FENNY回應:”咁無理由個客整爛左野唔使賠嫁,好似如果你拎支筆,跌爛左唔賠嫁!? 塊鏡片好實嫁,我地唔知你有無推到塊鏡片令佢跌出黎!”
“吓???我地唔知塊鏡片係可以換嫁喎,點會推到佢呀,而且係你地D人拎俾我試嫁咋喎,你無可能叫我地買囉.”
然後FENNY問招呼我地個男SALES係個客自己拎黎試定係佢拎俾我地,好彩個男SALES都有人性,講真話,話係佢拎俾我地試.
FENNY仲叫我地留電話,我地問留電話做乜,佢話要同寫字樓傾解決辦法,我地唔肯留.佢要打個電話俾寫字樓,話睇下點,要賠成副定係塊鏡片,講左一陣,之後話:”今次就唔使,因為唔係成副眼鏡跌落地,只係塊鏡片.”
我地就好嬲咁走人!

真係第一次咁樣俾人屈,唔知點應對,唔知點解可以以咁既服務態度對人!!!大家去呢間SHOP要小心!!

唔好隨便試野呀,仲有呢個”FENNY”!!!!!