話說就黎搬, 今次租屋要買電器, 第一次買, 貪平去左牛頭角”直銷電X中心”, 遇上披著羊皮ge售貨員羊生, 我同佢講想買洗衣機, 抽油煙機同煮食爐, 佢問我想要咩牌子, 我話洗衣機要Whirlpool, 其餘兩樣無心水, 請佢介紹, 佢介紹左好多不知名牌子俾我, 話可以俾套餐價我, 仲一邊介紹一邊落單, 我話d牌子我完全未見過, 都係睇下先, 之後佢就停筆, 好nice咁同我講, Whirlpoo我想要ge型號, 佢可以平俾我, 開價$3600, 我覺得好抵, 因為望過出面特價都要$4000, 佢話抽油煙機介紹過另一款好用易清潔ge俾我, 叫Diamond King$2080, 我話未聽過, 佢反應好大咁話”未聽過?”搞到我以為自己好大鄉里, 咩都唔識, 又見洗衣機平左, 所以就信佢買左. 之後就輪到煮食爐啦, 佢話介紹隻我一定識ge, 登登登登….Giggas上將, 咁呢個牌子我係有見過……佢馬上推介話個爐又靚仔又好火, 我話個爐頭點解同平時果d唔同(後知我當時見到ge係三環爐頭), 佢知我唔識野即刻話”呢隻頭梗係無咁好啦, 俾返平時d鋼頭你啦(後知意思為二環爐頭), 不過鋼頭l要加$300, 即$3280″, 佢話已經平盡俾我, 又講到個爐點好點好, 買貴/唔好用返黎搵佢, 我心諗洗衣機平左, 拉上補下, 應該差唔多價錢, 所以買埋……唉~~~後知Diamond King係一隻連yahoo search都無人識ge牌子!!!!! 最過份係Giggas三環爐頭出面原來只係賣$2180, 仲要三環爐頭係新款同貴過二環爐頭, 佢竟然仲要扼我補$300買返隻舊頭!!!!! 太衰格啦~!!

http://www.baby-kingdom.com/forum.php?mod=viewthread&tid=7208810