*要做姊妹衫*,唔好幫襯太子愛都10樓嘅濃X。

姊妹*個半月前*一早試咗身,結婚前幾日先有衫,無論自己揀款定係用佢哋嘅款都係貨不對辦,完全唔係之前order嘅款式(最過份可以長裙變迷你裙),跟住逼你上趕上去改,溝通又勁有問題,講極都唔收唔到(定係扮收唔到)。

我個朋友8月初結婚,叫我哋六月去愛都10樓嘅濃X間鋪頭揀姊妹裙+度身。新娘話叫我哋睇下佢哋有咩款,可以俾啲款佢地睇下可唔可以自己做到。

我哋幾個姊妹約咗一齊去,我第一個到,上到去得幾條姊妹裙擺喺度,無一條好睇,我問佢係咪得呢啲款,佢答我係。其他姊妹嚟到,我就話佢哋話得呢幾個款。跟住個職員話我幾時話得呢幾個款???🙄🙄🙄

跟住拎多咗兩條出嚟,然後我問咁我係咪可以訂造我想做嘅款,跟住俾張相佢睇(我想要兩截裙,之後可以出街著,上身一件入膊背心,加一條長紗裙),佢哋去問師傅話OK。我有朋友都有過去揀款,但佢啲款真心唔得,諗住求其是單揀一款,諗住著一次就算。最後,我同另一位朋友都揀咗背心+長紗裙,我要求要裙短少少,唔想拖地(去到小腿中間)。

婚禮前兩個星期佢打電話俾我,問我可唔可以做一件嘅假兩件頭,我問點解唔可以分開做兩件(我就係為咗平時出街可以著先要求要兩件頭),佢講咗好耐,我先明因為佢要整個bra喺件背心入面,所以要做假兩件喎。我話你唔整個bra咪得囉,我自己都會戴bra。跟住佢就話去同返師傅講。

婚禮星期日,同一個星期早幾日、即星期三先有姊妹衫攞。我嗰日唔得閒,幾個朋友上去,結果我個朋友嚇親,我哋要嘅長紗裙,變成迷你裙(長度到屁股),件背心超細件,我朋友話好似中童衫咁(我朋友172cm)。個朋友見到已經知道唔啱,但個職員勁叫佢試,最後佢配合下,試左,個size真係完全唔啱。咁當初點解要度身呢?

跟住佢哋打電話俾我話好唔得,話間公司叫我可唔可以放工上去度身,然後聽日送返大陸再整過,星期五再試,我話我唔得閒,點解明明之前度咗,我身材無變,只係你哋整錯就要我再上去??結果間公司就話咁我唔洗去。

我另外有朋友求其揀咗佢哋啲款,結果同本來個試嗰條個樣唔同,個膊頭個一字膊由布變成橡筋帶,咁度身嚟做咩??如果橡筋一字膊唔洗度身啦。由於車工差,一字膊都變成斜膊.同埋本來佢果款、成條裙係同一布料,但件貨黎到,係兩種完全唔同物料,睇落怪怪. 另外就是嗰條裙著上身,見到腰圍係斜斜的,不是直線,這是基本要求。

兩日後,我去試,結果條裙勁長拖晒地(佢話長好過短喎,可以改短),件入膊背心個袖口位著上身會摺咗好多摺,個cutting勁有問題,我同佢講,佢話改細啲個袖口就得,我唔識,話你話咁得就咁,跟住兩個鐘頭後上去再試,都係一樣,佢話小姐你話改細啲個袖口我咪咁改,我話我係話摺咗個袖口,你話改細就OK,我聽你講渣喎。跟住佢話改唔到。。。跟住話小姐我哋整慣晚裝唔識整出街衫。。。well我唔識整衫,但係到底整件背心有幾難????條裙嘅長度都同晚裝定出街衫無關???