轉自網絡:

話說上個月頭去左大埔昌運中心2/F一間叫【”C圍”數碼專門店】
買左部幾舊水電話打算俾條女粗用(鏡面女仔機)~初初D職員都好好禮貌好詳細講解~
到我俾錢果時我問埋如果壞左係咪可以拎返黎換/整?
佢話【7日內有壞包換!!!】咁好啦~買左之後拎返去差電~咁佢鏡面貼左張好朦O既保護貼~我條女想用黎照鏡就唔要個保護貼~
第1日用~就發覺個2字要大力少少先按到~同埋影相較高質數少少會死機~
咁咪拎返去同個老細講話要換囉~佢就話拎俾師傅睇下先~如果整唔到一定換俾你~
咁算啦~俾佢整啦~佢開左單俾我~話整好通知我返黎拎~我問大概幾耐~佢話都要一星期多D~
點知~足足整左一個月~我今日先拎得返~途中重要我一星期走去問一次有未~次次都答我晏D/聽日打俾你話你知幾時得~
點知次次都冇覆攪到我個個星期去一轉~到上星期我就話可唔可以唔要/加錢換第2部~佢話冇問題~但要等部機返左黎先~
好喇~最火滾o既事係今日就黎喇~
我今日如常咁又走去問啦~佢話部機返左黎~
我就火火地話:嘩我唔行黎問你都唔打黎架喎~
店員:都係今日先到姐~
我條女:我想退返錢呀~攪咁耐~
店員:下~我地要拎去金雞俾人再拎返廠再係廠拎去金雞叫人拎返俾我地係耐d架啦~同埋我地不嬲都冇得退錢架~
我條女:但你老細上次應承左我可以退錢/加錢換第2部喎~
店員:下… … … …本身得架~但你部機花左就冇得換架喇~
我拎起部機一睇… …個鏡面花左…D白色位黃晒…即著~
我:哇部機成部二手咁o既~點要呀~我用左1-2日咋~點會攪到咁呀~係咪你地拎返去整果時攪成咁架~
店員勁串)我部機本身有保護貼~花左就入你地架啦~邊個叫你掉左佢姐~而家整好架喇~你地再有問題就拎返廠保養啦~
我咪話:我新機買返黎俾你地整到殘晒重咁撚大聲o既?
店員:你咪去報警囉~
我即刻打999
差佬5分鐘到~了解完件事~同我埋左一二邊講:其實我大概知咩事~呢間野都唔係第一次~大把鋪仔同呢d手法架喇~
但你又冇野証明到你講o既係事實~口同鼻坳~我相信你係受害者~你銀包都2支野啦~唔會為左幾百蚊攪咁多野~
但警方都幫你唔到~我只可以幫你mark低單投訴~
我:咁點呀?有得佢呀?
差佬:一係你打去消委會投訴啦~但作用都唔大~因為都係口同鼻坳~好啦~咁我mark低左~你地唔好再嘈喇~你重有冇野要幫手?
我:有呀~你叫佢call佢老細返黎~因為係佢老細應承我地架ma
跟住個差佬就行入去叫佢搵佢老細~佢就話老細返左大陸~過幾日先返~留左個電話俾佢~佢話老細遲d返到黎再call我~
我谷住道到走啦~臨走聽到個@@同個差佬講:唔該晒喎乜乜(差佬個名)~~~~
有冇人教到我點做可以拎返個公道?本身幾百蚊貨仔真係掉左都唔心痛~但呢間野真係好賤~唔想由得佢!!!