不吐不快

星期二 , 係元朗無限科技買左 samsung Gio , $1560 , 元朗裕景街 27號 金倫大廈 地舖

點知用左幾日 , 個 mon touch 唔到 , 完全冇反應 , 好啦 , 拆電 , 等左陣 , 入番電 , 用得番 , 冇理

過左冇幾耐 , 又係咁 , 一日幾次 , 終於覺得係部機既問題 , 去左間鋪頭換 (買左未夠七日)

由於部機 , 我設置左圖形解鎖 , 所以會出左下面個畫面

鋪頭個女人 , 聽到我話部機個 mon touch 唔到 , 就捉住上面張圖果條橫線 , 話係人為整壞 , 佢地唔包 , 叫我自己上去 samsung 整 , 即係佢根本唔想負個責任啦

咁我係果度拆電 , 等左陣 , 以為可以 touch 到 , 點知唔得. 跟住第二條女一拎起我部機 , 望左兩秒 , 係兩秒啊 , 就以專家口吻話係個 mon 壞啦 , 要上 samsung 整

如是者擾攘左一輪 , 由於我唔係咁熟 android 機 , 所以做左傻仔 , 以為真係個 mon 有條線 , 壞左 , 咁我就將部機擺係果度 , 叫佢幫我拎上去 samsung 整

鋪頭個女人 , 係咁說服我自己拎上 samsung 整 , 話又快 , 如果佢地拎 , 起碼要兩個禮拜 , 咁我都係堅持叫佢地拎上去.

事後我上網 , check 番呢個 lock 既功能 , 原來叫「圖形解鎖」 , 開左個功能 , 係一定有條線用黎格開佢既

咁今朝我就去左佢間鋪頭 , 拎番部機先 , 我話我 check 左幾部機 , 部部都會有條線 , 個女人都話一定冇 , 叫我一定係拎上 samsung 整

跟住我話 , 你拎部新機出黎 , 我試比你睇 , 佢初初都唔係咁肯 , 最後講講下都係拎左出黎

咁我開番個「圖形解鎖」功能 , 擺係佢面前 , 佢用左幾下 , 塊面黑晒 , 一粒聲都冇出到 , 跟住叫我解番 lock , 話部機係佢既 , 當然係解 lock

如是者 , 一路面黑黑地幫我換機 , 到試電話時 , 個女人賤到話叫我自己入番自己張 sim 卡落去試 , 跟住我話 , 你入啦 , 佢冇出聲

跟住 meet 番舊果張 mon 貼出黎 , 貼番去新機 , 但求其貼 , 貼到有水泡添 , 如果唔係我叫佢貼好 d , 相信佢都係唔會理我

跟住試完機 , 個女人話 , 你試清楚 d 喔 , 換機只可以換一次 , 下次有問題就要自己上 samsung

大家認住呢間鋪頭 , 元朗無限科技 – 元朗裕景街 27號 金倫大廈地舖

佢仲有其他連鎖鋪頭.