IndiXo Sofa 不當地接受付款和處理方法不當😠😠
我在6月5日經whatsapps聯絡此商店,購買一張$2048既梳化床,連運費$450,一共$2498,6月5已付款,此店收左錢,個陣諗住訂梳化要番2-3星期,一直都無追問,直到6月19問一下進度,但此公司一直沒有回覆幾時送到貨,只係話等工廠回覆,我到6月21和24日再追問,都只要回應我等工廠覆和仍在生產中,一追再追,7月2日終於有送貨司機聯絡,但我真係唔明佢地,點同個送貨司機溝通,一而再,再而三,留左第2個收貨聯絡電話,都仲係打電話比我,因為我送比朋友,同埋我不在港,所以直接比電話,然後個司機仲留言比生話送貨,哩件事已經覺得此公司沒有心跟進。到左7月5日,終於收到貨啦,但貨不對辦,我訂既係深灰色,但送來既係啡色,然後同司機講,司機話唔關佢事,立即聯絡番此傢私店,但完全沒有跟進的行動,都只係話同工廠溝通處理方法,其實個顏色已經確認過兩次,好明顯係佢落錯單,到最後佢都一直唔回覆,直到我影左報左消費者委員會,佢先覆我,個廠可以整番個深灰色比我,但要3個星期,我朋友都妥協再等啦,點知佢話要我地再比運費?點解貴公司犯錯,要我哩個客人承擔佢仲卸責任,話收貨應該檢查清楚,個司機送到黎,收左錢就拿拿聲話要走,講多幾句都唔得,連個紙箱都無幫忙拆就走了,難道禁錮個司機?而且朋友一拆箱已經立刻同我講,我立刻通知此公司,此公司就一拖就拖! 本身都想換番貨就算,但仍然不作任何回覆,朋友都唔想再比佢玩,叫佢退錢退貨,一句就話無退錢服務,難道要我硬食?係此公司既錯誤。同埋此公司既態度實不忍無可忍! 之後仲我比搵到係哩間野買過野既受害者,話佢都係報左警先收到貨,發現以此公司門市地址都是假的,簡直毫無誠信可言,希望不會再有受害者 。文筆不好,請見諒。

from: http://www.blacklistshop.com