間電器舖在筲箕灣工聯會斜對面,立興書店右手邊, 門口係巴士站, 個招牌無名的(得幾部名廠冷氣的banner)
個六十幾歲男老闆姓羅, 同埋佢老婆, 兩個都是太極高手來的,
未比錢時咩都話得, 超friendly超好禮貌, 又話計平d比你,
比左錢之後就180度變臉, 不段耍太極, 講過d野可以唔算數
裝部機做漏左野打左去超過6次,
次次打去都話要幫你問(其實佢係老闆, 唔知佢問d咩), 話問左先覆到你,態度又差, 最尾不了了之
(如果真係要幫襯, 最好帶埋錄音機去)

from: http://www.blacklistshop.com

 
事源係新年後, 我想幫新屋添置1部抽油煙機
跟住就入左呢間店睇機,
佢就過黎同我講, 話依家新年無咩生意, 呢度show出黎既機全部都有9折
跟住我同佢講我廚房出面隔左個露台, 問佢裝唔裝到
佢就話可以幫我做條長喉, 加$150就可以.
跟住我問佢有無賣太平洋PR3033-s70, 佢話有, 拎左本簿同計數機出黎
跟住就話話你隔左個露台, 條喉要加長, 個價會貴少少, 不過我計平d比你啦, $2380
我聽到個價之後知道貴過出面街價, 就睇返佢show出黎d機.

 
之後個老闆話show出黎既機抵d, 全部有9折
個老闆又力推一部叫"summe"既機, 話係德國名廠, 抽力好勁,又話你有露台一定呢部先夠力, 又夠薄, 又靜, 話呢部機間廠包埋條長喉. 唔駛另加錢添
之後又話佢地做街坊生意既, d機都係優惠價賣出
我聽到之後諗住佢地諗住d野會跟得足D, 就比錢啦
點知比錢時話呢部機無九折, 仲要比全數$1850 (心諗都算啦, 新年費事同佢嘈, 當比多少少佢賺啦..)
之後上網search隻牌子發覺唔對路, 第二日早上即刻打去截單
我夜晚即刻趕去選過第二部, 跟住個老闆係咁sell我4千幾蚊果部
跟住我話要hitachi($1650)佢又話無貨(明明show左出黎)
跟住我選d低過2千蚊既機, 佢又話唔夠抽力, 又話已經無左9折(之前明明話show出黎既機全部有9折, 只係事隔一日)
最尾佢叫我選返太平洋PR3033-s70 ($2380), 咁我唔想煩買到d差野, 咁咪補錢lor
補錢時我再confirm多一次係咪包2條穿過我個露台, 佢話係, 咁我先補錢

點知一星期後, 兩個廿零歲既MK師傅上黎裝機
裝到最後我問佢條喉可以點駁出去
佢話無架啦, 你部機只得一條喉, 只能去到呢個位
跟住我話我買果時話包左2條喉的
跟住佢好惡咁講:"佢無同我講喎, 你有咩就打返比佢"
跟住我即刻打電話, 結果長響無人聽
跟住我同果兩個係個門口煲煙既師傅講, 個電話打極都無人聽
佢自己打一次都無人聽
佢同我講話都無辨法, 佢變唔到條喉比我, 最多返去同老細講
結果條喉就掉掉fing係露台中間對住我d衫.

第二日我打去, 佢老婆聽, 第一次聽無咩野, 話會同佢老公講返, 話會幫我跟返, 會call返我.
但過左幾日我見無電話, 再打去問, 佢就好唔耐煩咁話, “幫你講左架啦, 都要時間架, 再等下啦會覆返你架啦"
轡果無覆過, 過多2日我再打去, 今次佢老公聽, 跟住佢唔認數, 仲好串咁講"我同你講得好清楚架啦, 呢隻model唔包架,要加多$150, 其他先包既"
跟住我火都黎, 明明聽得好清楚話包埋, 比錢時專登問多次confirm, 但佢專登無寫係張單度, 仲博我撞龍…結果我由頭到尾講返比佢聽我同佢之間既對話
佢最尾都無同我拗, 但只係話幫我問下(但唔知佢問邊個), 叫佢儘快覆, 佢又話"人地放假, 都要人地返工先覆到你格".

結果當然無覆啦, 星期二再打去, 又係佢老公聽
我直接問佢會唔會幫我跟返, 條喉對住我d衫既咁吹住, 如果唔會我就自己找人搞算啦
結果佢又話"佢返左大陸, 放緊假, 再幫你問下覆返你啦"(其實唔知佢想問邊個)
最尾過左2星期佢都無再覆我, 嬲嬲地自己找師傅搞返佢, 駛多左$500, total駛左接近3000蚊換黎一肚氣!