我都好慘呀, 我搵左一間agent 覺得真係黑店!!!! 叫”達x僱傭中心”
事源係我第一次請工人, 又聽朋友講到而家d 工人好搶手, 特別係印尼添…
咁岩我上網搵到哩間公司有人評價讚佢d 姐姐好幫得手….
咁我就打左電話上去, 仲約埋當個星期六去上interview….
當場都有簽到一個好古怪既姐姐, 由於我第一次請, 又比個agent 講到好無乜野咁, 咪比錢簽囉….
簽完之後就提供文件辨手續, 咁我因為有d 文件未齊, 第日後補既….
係我等visa 期間得知個姐姐無啦啦要求stay out, 仲話因為佢stay out 關系, 所以要紅日, 同埋早上8點黎到我屋企, 晚上7點-7點半走…. (簽既當日個姐姐淨係要求我星期日放假同可唔可以晚上9-10點番屋企, 我當場答應可以)..
嘩!!!下??? 咁都得既咩??? 我心諗, 你咪好好做?????? 我即時話唔得….
佢話咁我唔做喇……
我即時反應番比agent 聽…咁agent 聽完就話搵過個工人比我(free charges, 因為未入紙)
我當時無為意, 淨係覺得都好, 唔駛錢 (因為佢話如果visa 批左後1年內換工人要比一半agency fee)
咁都好快就搵到第2個比我…當日係11月30號, 我又好快咁簽左佢…
當時佢話想番印尼2星期先, 話想見下個10大既女, 大概番得工既時間都要1月初至中, 咁我話無問題…
將心比己, 離鄉別井咁耐緊係掛住個女啦…. 我比佢番去.
誰不知係個visa 臨出之前個agent 話個工人番唔到印尼, 話唔知原來要係當地攪個咩証先得, 佢無攪到, 番唔到去…仲話visa 一出就可以番工, 唔駛等1月….
我當時好開心….
到等到visa 出到12月24號當日, 一心諗住工人會25號到. agent 果度無啦啦有另一個同事聯我話個工人番唔到印尼, 但想係香港放2星期假先. 1月7號先番工呀…
我呆左, 下? 問, 唔係話唔番可以即時番工咩?
個同事答我話係之前個同事誤會左個工人意思, 同以為佢唔番印尼等於唔放假…
咁我話, 無計啦, 佢想放都無得唔比佢放啦, 迫佢盞佢做得唔開心…反正我之前都有預佢放假, 咁叫佢照放囉……我就跟手問一問可唔可以叫工人姐姐6號番呀? 咁我都方便d…
佢話會問下, 覆我…
終於等到1個幾星期後1月4號agent 覆我話工人答應可以6號番…
咁我就即刻同屋企人夾夾點樣好…去接佢定點啦…
咁因為我要番工, 咁一開始都會係我媽咪黎我屋企教個工人野既, 但我媽咪因為之前幫我揍女整斷手骨要去做物理治療, 所以我就同agent revised 番個日期為7號番工, 咁6號接姐姐….同時都有約好6號晚上7點大圍港鐵站等…
係6號當日我拎到工人姐姐手提號碼, 係下午4點幾打比佢再提一提佢同順便顯示埋我手提號碼比佢知….
我打左幾之比個工人無人聽, 我再打, 打到終於有人聽了, 我同佢介紹我係佢僱主, 仲提佢當晚記得7點約左大圍等, 好攪笑, 佢同我say no. 唔得!
我問佢點解? 佢話要聽日9點先得…. !
我話, 下??? 我地唔係約好喇咩? 做乜你唔得, 唔一早講呀? 而家差唔多6點你先話唔得???
佢話, 係呀…..唔得呀… 佢話佢洗緊衫.. 又未去agent 度拎文件….
咁我即時同agent report 番點解會咁…. agent 當時都話叫我不如7號啦..個工人唔得.
我都嬲嬲地….點解好似比個工人control 番我d 時間既??? 佢話唔得又唔一早講..
咁遲講完又要我就佢?
咁我話唔得呀…聽日9點個個番晒工啦, 邊個去等佢呀?
最終我, agent, 工人用3人會議傾好當晚9點原定地方等…..
我地唔夠9點到大圍站, 等到7過10點都唔見個工人, 中間不斷打電話比佢, 無人聽..打左好好好多次, 都無人聽…
個agent又話搵佢唔到…
最終第2朝8點半個工人打電話比我, 我無聽, 因為我仲好嬲.
到11點幾又打比我, 我都無聽. 我仲係嬲緊!
agent 之後就打比我喇… 我即場同agent 我要換工人, 我覺得哩個工人好過份.
我地對佢已經無晒信心….唔想再用佢喇….
agent 聽完我講之後話好, 仲話幫我換番其他工人比我選擇..
點知一陣佢地又有另一個同事打比我同我傾番哩件事, 又話個工人知錯,. 以後唔唔會再犯…講好多說話叫我願諒佢, 仲話如果我而家要轉工人, 我要比多次agency fee 一半價錢黎轉…..我都無著數咁話….我有嘈個agent話你介紹d 咁既工人比我有無攪錯呀?!
佢答我, 佢既角色只係幫個工人搵工嫁咋….
之後又話比個工人同我對話, 話個工人真係知驚, 驚你真係唔要佢……仲話有d 喊喊地, 又話promise 我一定唔會有下次, 叫我forgive 佢.
final 我要番…約左佢去我媽咪屋企先, 我放工去接佢..接左佢之後食完飯就番我屋企….
正式番工就為8號…做到18號為止, 做左11日, 我放左佢2次假….(12同18)
就係岩岩既18號晚上9點既時候佢ws我, 話我知佢聽朝7點先番黎, 因為佢係石澳bbq 夜左, 又凍, 所以佢係佢朋友度訓一晚, 第2朝番….
我時時say no, 仲叫佢要即時番黎…
佢話唔得, 因為出面好凍, 又夜,各樣各樣…唔番喇.
我同佢堅持, 最終佢係ws 度有答應我番黎, 仲話會盡快.
我等到1個鐘後, 見佢無聲無氣, 我ws 問佢係邊, 幾時番到?
佢無應我.
我覺得好奇怪, 我打比佢數次無人聽, 又失蹤?
佢最終聽左電話, 佢仲話今晚唔番黎嫁喇..係果度訓…
我即時著晒!!!!!!!佢又係咁反口!
我電話度講, 如果你而家唔番黎, 以後都唔好番喇, 收左佢線.
佢ws 同我講話有咩聽日番黎先講, 佢好攰!!!!!
我好嬲, 我叫佢聽日直接上agent 度…
佢覆我問我係咪唔要佢喇? (跟住offline)
我無覆佢, 到第2朝7:57佢ws 問我可唔可以番黎….. (我無覆佢)
佢再話會上agent 度, 不過佢地11點先開口….
我覆佢話, 你可以留係你尋晚既地方, 因為你鍾意…
佢話: 如果你願諒我, 我而家番黎.
佢又話, 如果你真係唔要我, 我都要番黎呀…我要執野同比番key你…
我心諗, 死喇, 萬一哩後時間佢有咩事, 我要揹..所以我叫左佢番黎先…
佢覆我, ok, thanks (佢應該以為我願諒佢)
佢番到黎, 我無同佢講野, 佢問我做乜唔同佢講野呀 ?
我話無野呀, 你做自己野啦, 我走番入房, 出到廳見到佢塊晒自己行李準備走…
即場問佢點解走, 佢話我唔彩佢, 佢係度做落去都無意思, 仲話會賠番個月比我.
佢走左後, 我打去嘈個agent, 個工人咁樣, 咩事???
你地點解個個工人都咁有問題 ????
我以為點信你地..而家個工人做得果幾日走左, 我又要拎錢出黎請過個? 唔係嘛…
佢地話公司政策係咁……又話個工人係成年人, 無得話control 佢地, 又話佢地淨係幫個工人搵工嫁咋…..
我心諗, 有無攪錯, 咁即係阿豬阿狗都可以上黎叫你幫佢搵僱主嫁? 你地唔駛點去interview 過佢地, 盡量查清楚佢地背景嫁?
我嘈左佢一輪, 要佢地比個答覆我, 唔係我地就消委會見!!!!

http://www.baby-kingdom.com/forum.php?mod=viewthread&tid=10297375&extra=page%3D1