我部三星Note 8爆左外屏, 電話問價後合適, 拎去整. 好快約2小時已可取機, 拎番上手, 外屏邊位的膠水溢晒出黎, 師傅即時抹一抹, 除此之外試落冇乜大問題, 操作靈敏. 之後我便離開, 都未番到屋企, 便發現支筆Lock 吾實, 係咁跌出黎, 即刻又拎番轉頭去整, 又等左45分鐘, 看似已整好, 心中奇怪為何整外屏整到支筆咁, 但試過幾次冇再甩, 便離開, 也沒追究. 隔左兩日, 用多幾次支筆, 拎筆出黎時見到筆頭痴左少少膠紙出黎, 之後支筆便回復到Lock 吾到係咁跌出黎的狀態, 局住又拎番上去整, 夾雜幾句粗口質問點解我整外屏, 佢地整到我支筆鬆, 求其在入面用膠紙痴住就算, 係咪當我傻仔? 佢地禮貌普通, 未致惡劣, 也不覺有歉意, 仲大番我轉頭話<電話構造並不是你想像中這麼簡單的>. 又話人有感冒, 可能同時會傷風發燒, 所以整外屏整到支筆lock吾到, 非常正常! 完全廢話到極, 感冒是複合症狀, 同時發燒傷風咳很正常, 但難度我破左相去做換皮手術, 醫生幫我做完手術, 皮換好了, 一樣咁靚仔, 但一行出醫院就發現醫生吾知點解醫到我隻手甩骹, 再同我講<人體的構造並不是你想像中這麼簡單的>, 所以醫到你甩骹非常正常! 咁都得!?  唯一可取之處, 佢地話整到好為止, 但直接d講, 你手工吾好, 要翻手整是你的事, 點解要影響到我要特登再來回2次整好支筆, 為何? 我有權力要求一次完成維修, 而沒有任何義務去包容你的失誤, 對吧? 佢地仲要Challenge 我點解對佢地冇信心, 又問我點解Note 7爆炸都咁有信心買Note 8, 講真, 我對誰有信心關你x事? 我的責任是正常付款, 你的責任是一次完成維修後收錢, 我已做好我的責任, 冇講價, 俾足錢, 沒有對你有半點不合理要求, 而你的責任做不好, 攪到我要來回兩轉旺角, 你還要問番我轉頭點解對你冇信心? 你讀緊小學? 我係你老師? 老馮要俾148次機會你? 最後一次整好取機時仲要同我講, “你咁擔心我地手工和質量, 驚我地今次都未整好, 你可以留在這試下支筆,試足一百次睇下有冇鬆先離開.” 看似友善, 實則暗串, 講真, 手工真係咁好, 你一次攪掂就吾洗俾人屌啦, 明明整衰左兩次整臨尾仲好意思講呢D, 厚顏無恥莫過於此. 總結, 商家在維修上是負責任的, 整衰左都肯負責維修到底, 手工高低已如實在上面詳述, 其態度不覺有歉意並滿口歪理推搪, 令人不想再次合作, 建議大家注意或Black List此店.