大家千祈唔好相信D網站自己吹到上天,又話幾多分鐘可以攞返部機,又話幾老實,我上星期攞部華為上去整,爆MON,我就係見佢地話好快,半個鐘或者一個鐘攪掂,而且我又唔得閒,咁咪上去試下,點知上到去,佢話要係倉庫攞MON過來,要夜晚先攞得,我話冇時間,可唔可以兩個鐘攪掂,跟手佢打左個電話,轉頭同我講搵到行家E家賣塊MON比佢幫我整,不過要收多100加急費,我聽到突然要加多100,就唔係好想整,跟住還價加50,佢話唔差在50蚊啦!最多幫我整好D(咁少50蚊就整得冇咁好,冇辦法啦)!我話唔好嘞,佢先勉強加50蚊,叫我30分鐘後上去攞返,我都知冇可能真係30分鐘就得,所以去食野同做埋D公司野,一個半鐘先上去,未整好,冇計繼續等,足足2個鐘就攪掂,其實時間都OK,收返部機試下新MON都OK,不過中伏位到嘞,我隱約見到塊MON原裝膠貼左上角有條花痕,以為塊貼花左,冇理佢,比完錢想走既時候佢問我攞返頭先比我張收據,我都有少少奇怪,唔係一人一張單做留底既咩,收返咁特別既,不過冇諗會係D估惑野咪比返我果張比佢就走左,塊MON貼的一路都冇撕走,直到過左兩日後我諗住放工去換MON貼,所以就撕走佢,撕完之後發現左上角有條痕,以為有D膠紙未撕走,原來係個MON已經一早裂左,咁即係換左塊裂左既MON比我,諗住去搵佢整返,但係先諗起連收據都比佢攞返,冇證冇據,上到去肯定要嘈番一輪先有機會會同我整!唉!年紀大心血少,一個唔覺意嘈到發生事就慘,都係算自己ON9,信埋D網站吹,下次都係問下FRIEND有冇好介紹穩陣好多!