錄音實證,何來不誠實、何來不負責任。
https://drive.google.com/file/d/0B-lf2pqZElhEVXhnM0R1UHcwanc/view?usp=docslist_api

from: http://www.blacklistshop.com

Ps:感謝其他師兄提供錄音證據。

各位想學手機維修嘅朋友小心以上手機維修課程,此課程完全唔值12800元(最新價錢),完成此課程出去連做學徒都未必有人請,因為佢教唔到你真正手機維修技術。

課程唔會有講座上所聲稱嘅實戰(呢點校方已經承認),理論亦絕非導師經驗之談其實都只係一啲過時網上資料,亦唔會成功介紹你到手機外判商或手機店就業,聲稱嘅合作夥伴(三星(怡和)手機)更被踢爆係虛構公司,授課導師亦非真正手機維修師傅,相反(馬生及Kin Sir)更被該校前員工踢爆唔識維修手機(呢點校方阮先生已經承認),由唔識維修手機嘅人士嚟充導師教授手機維修絕對唔合邏輯,聲稱全職手機維修師傅新導師(張 Sir)亦只係該校畢業生。

授課導師完全不能成功維修任何手機。而教授(BGA焊晶片)就連自己也從未成功做到,而屏幕貼合更未有成功過,當時教授UV水膠貼合技術更係過時到已經無人採用,根本唔值得用12800元去學外面學徒所學的技術。

而且校方呃鐘情況非常嚴重(返學上網搵ROM,上淘宝介紹工具等……)課程更加無政府及手機界的任何認可。

Ps:在線Mp3證據

校方已經有多次講大話及開空頭支票記錄,而(eduplus.hk)呢編廣告更用上(Samsung外判維修中心最近更成為合作伙伴,為你的維修事業踏上重要一步。)更加係懷疑作出(虛假或誤導性商品說明)

因為校方從來無法提供與(怡和科技(香港)有限公司及電訊首科控股有限公司)合作相關證明。而兩間相關公司亦從未表示與該校有任何合作關係。

校方網站最新聲稱更删除所有推薦工作字眼,亦代表校方唔會對(就業推介)作出任何承諾,一個完全保障唔到你日後專業資格及提供工作機會嘅課程,重值唔值得浪費(時間、金錢、精神)請大家認真諗一諗。

已經有其他師兄去過以下公司見工,確定唔聘會該校畢業生的公司。

(三星電子香港有限公司、HTC、先達三樓全層、地下手機維修專門店、全條鴨寮街、長沙灣CWG)

如各位朋友睇完以上警告,都係堅持 報讀此課程我有以下建議俾大家。

1.)先完成一堂後先俾一堂學費,千其唔好一次過交晒大部分學費。

2.)而報讀前請先查證該校所聲稱合作伙伴是否屬實。

3.)校方對你作出任何承諾,都要有(白紙黑字)寫明及校方印鑑作證。

注意:三星電子維修外判商全名為(怡和科技(香港)有限公司),絕對唔係校方之前網站上所聲稱(三星(怡和)手機)

注意:Apple外判商全名為(電訊首科控股有限公司)

如果想學維修手機亦可以去買二手機再上網查資料自學,都必定學得好過喺呢間黑店學校讀個垃圾課程,唔想受騙就一定要小心。