整唔返又唔肯還機、要客人白等一晚、上FB Page評價被羞辱兼起底!

from: http://www.blacklistshop.com

 

兩個月前我部手機壞左,拎去旺角銀城廣場捷勝電訊整。佢地拖左成個月都未整好,每次打去問都話過多兩三日就整好,等左差唔多一個月,我就話要拎返部機。(佢地當時聲稱部機已經開得返,不過唔知點解仲要多一兩日check下手機D function係咪正常,但問多兩句又支支吾吾)我地約好左某晚去鋪頭拎返部機,我一收工就出旺角等,但佢地全日一路無限拖延件事,最後我等左成晚都拎唔返部機,走果陣已經係十一二點,第二日拎返依然係一部壞機,而且機身有少量刮痕同污漬

 

之後我上佢地個fb page評論呢單野,點知就俾某個發言者用極之粗俗露骨既字眼不斷羞辱我,仲起埋我底,周圍貼我FB D相。事後我打去叫D職員唔好再俾呢條友繼續羞辱我同埋post我D相,佢地竟然話無權阻止他人係呢個page發言…但事實係…我俾佢地block左5個account!

 

件事困擾左我差唔多2個星期,期間佢經常不定時咁留言侮辱我、post我所有FB既公開資料,搞到我時時刻刻要check住佢地個page

 

而佢地既fb page接連有貼文影射有D客好難搞好無理取鬧,我一留言就極速俾人block ac同del comment。本來佢地個page冇評分,但我留comment之後幾日接連有打手俾5星拉返高個評分,但D comment基本上係冇內容

 

去捷勝電訊整電話,整得返就你好彩,整唔返就真係有排受氣!

 

(PS: 部機最後拎左去第二間整,師傅話佢地已經將塊底板整到溶溶爛爛,加多幾百蚊換底板就搞掂,手機D資料仲係返到!)