豐X牌電器同服務簡直一蟹不如一蟹! 有其他選擇既話勸你三思!
諗唔到咁大間公司, 由細幫襯到大都係咁. 上個月買左佢部洗衣機, 竟然兩部都機底漏水漏到亞媽都唔認得, 叫大昌師傅黎CHECK過寫REPORT係肯定係有問題先換啦, 到申請退款個所謂客服係度賴返話個師傅冇檢查話冇証據係佢地D機漏水!!! 真吹漲! 由第一部洗衣機試完機後幾個鐘開始就漏水, 每日一睜大眼入廚房開門就水浸2,3吋高!! 搞到我年邁家人拖地時又扭親手. 而家所有洗衣機搬走拖乾地後一滴水都冇, 唔係你地D機唔通個天滴落黎?? 全程由送貨(態度超差, 遲到)>安裝>貨質素>換貨>多次電聯客服>退款, 員工對應及商品質素完全不及格, 搬走所有洗衣機到今天為止已第五個星期, 仍未收到退款. 但又仍然經我信用咭過數, 追問客服時又被”膚顯”了事. 簡直不知所謂的服務質素!