真係從來都未試過為左投訴一個公司去開個account黎出post!!!
但今次真係忍唔住,要寫出黎等其他人去了解一下!!!
是咁的!
初頭我地證婚午宴個場地係全戶外的,係會展揀左LEE間"SHOTXAPPY"既PHOTOBOOTH服務,租機果陣同個負責人講到明話果度得一個插頭位,如果太陽太猛烈影相出黎會爆晒光!當時佢應承話可以帶條好長既拖板黎部機可以擺遠d,有多d位揀下, 佢公司拖板長到100M都有!好啦,咁就放心租左佢部機啦! 但到正日當日, 其實我地已經唔駛戶外啦,因天氣實在太炎熱而轉番入室內(即係個地方已經係細左,距離都冇戶外咁遠)但佢黎到SET機時同我講, 只係帶左條2M拖板黎囉!而室內場地個插頭位只得台上有,所以唯有將成部機搬左上台!搞到我地影緊正經相果陣d人咪用唔到囉!佢地當日果個工作人員服務質素我都唔想多提了…….結果搞到幾個鐘只係影左100張相都冇(成幾仟蚊嫁MA…)
但當日因爲我地仲要趕下場,又費事同佢嘈,搞到報警影響心情就照俾左錢佢
到到第二日同果間野個負責人投訴番,佢竟然仲大聲過我地, 一D歉意都冇….
其中一D說話….
“其實長與短係好見仁見智嫁喎!"
“如果我帶條咁長既拖板黎,陣間cake到人你地到時咪又賴落我度, 咪又投訴!"
“你而家黎同我咁講,唔係想我退番錢俾你地下ma?我只可以同你地講聲多謝嫁咋喎!"

from: http://www.blacklistshop.com

重點係佢真係0.1歉意都冇,其實佢只需要表示一丁點歉意, 我深信事情就此了結………
我真係不能相信原來大聲夾惡是可以做到生意嫁!!