男友想買band tee,係網上搵到呢間舖,專程去一去睇下啦。點知去到門口話係for members only,試下推門入去佢又鎖左門。

咁唸住都一場黎到,都試下敲門問清楚啦。入面個女人聽到敲門,出左黎,但冇開門就同我地講嘢!大佬呀,隔住玻璃門鬼聽到你講乜呀!我地不斷話聽唔到,佢只係大聲d 講嘢,完全冇唸過開門直接對話。我嬲左,就話「冇嘢喇byebye 」就轉頭走左。

我地係冇金錢上既損失,但係咁冇禮貌對walk in 客真係第一次見。呢個女人真係基本對人禮貌都冇,我敲門,你係唔想比我入既,你可以企係門口講嘢攔住我地,你可以講你地公司有乜政策點樣唔接walkin 生意,我絕對冇問題。就算係d high fashion 店白鴿眼睇死我買唔起果d,都兜口兜面講丫,唔通隔著門唔比我入呀?

我google 一下呢間舖,原來係風評極差既店,係唔做walkin 生意既。我對佢既營商手法冇興趣,只係覺得如果係咁唔想做walkin 生意,唔想人入你間鋪既,你唔好整間零售店係街喇,唔好公開你間舖既地址喇,咁咪冇人白撞咯。

如果呢間舖真係認為咁樣對敲門客人係冇問題,我咪祝你生意興隆lor。