小心中計, 貨不對辦的 “流行鋼琴即興彈奏" 的課程
本人在2016 年9月時在網上報了一個叫"流行鋼琴即興彈奏工X坊" 的課程, 呢個鋼琴課程本身講到天上有, 地下無, 但係實際 個ar sir真係教得唔好,只係教了一d好簡單的chord ,教左c major 的六個chord , 教你1, 4, 5 chord 點彈,2, 3, 6 chord 又點彈,只係教你彈 Do ,So DO So 呢一d超簡單的指法, 全個課程4堂共8個鐘,從第二至第四堂,個ar sir每堂用了40分鐘比每位同學出去試彈,但對每位同學的意見都係差不多,但又浪費了好多時間.教又教好少野,教d超簡單的野, 有同學上堂問佢一d轉調的問題,之後佢又唔肯答,理由係呢個課程唔會討論, 真係離哂譜呢! 落堂佢又以” 時間夠鐘,會有人趕為由,立即走……我比咁多錢上堂,佢只係教我一d咁basic 的野, 我只係想學多d野呢!

from: http://www.blacklistshop.com

個呀sir 又成日在堂上sell 人買佢的DVD, 呢個課程真係唔值呢個價錢..我買左佢3隻講座的dvd, 個鏡頭其實係對唔正個琴,即係話你係睇唔清佢彈d咩... 因為果時我真係想學鋼琴,見到個”工作坊”好似幾好,先會中計

我果時係在尖沙咀文化中心星期日上呢個課程,用了$3098上4堂, 我真係忍唔住先要出下聲,如果真係想學,請搵其他好d的老師, 我唔想再有朋友中計!

呢個課程應該好易在網上search 到,大家一定要小心,佢個網有好多”學生感想” 讚佢,但係我想話比大家知,原來一問和我一起報名上堂的同班同學, 原來有被邀請寫感想後的同學有重金,有錢收 作答謝! 大家可想而知感想真實性有幾高

教咁少野 竟然要收咁多錢….仲有一點係佢d 筆記印得超簡單,d Powerpoint 得幾個slide ,d字印得超大隻
今日我只係忍唔住,先要出聲, 希望大家真係一定要小心,如果想知多d,可以再問我